Identificación
Lei 17/2006 do 27 de Decembro do libro e da lectura de Galicia
A Consellería de Cultura e Turismo aposta por utilizar unha ferramenta tan importante como é a Lei 17/2006 do 27 de Decembro do libro e da lectura de Galicia e traballar nas obrigas que esta lei recolle.
Dita lei publicada no Diario Oficial de Galicia –DOG-, articúlase en 7 capítulos:
Capítulo I: disposicións directivas xenerais, ámbito de aplicación e plans de actuación
Capítulo II: medidas que afectan aos diferentes axentes que participan no sector do libro
Capítulo III e IV: medidas de promoción e fomento do sector do libro e da lectura
Capítulo V: creación do Consello Asesor do Libro
Capítulo VI: regulación do Depósito Legal na Comunidade Autónoma de Galicia
Capítulo VII: control das edicións e protección dos dereitos de propiedade intelectual
Entre os seus obxectivos, busca entre outras cousas, incrementar los índices de lectura en lingua galega, dado que:
Entre as diversas obrigas que a lei recolle, confíanselle á Administración as tarefas de planificación, información e coordinación arredor do libro e da lectura co fin de favorecer a sociedade galega.
Asemade, tamén se recoñece o carácter estratéxico e prioritario do sector do libro como instrumento para a expresión do dereito á creación, á promoción e á divulgación da cultura, da historia e da lingua de Galicia.
Para a consecución de boa parte do que a Lei 17/2006 do 27 de Decembro persegue, dende a Consellería de Cultura e Turismo da Xunta de Galicia prevense a elaboración e aprobación de diversos plans e programas de promoción do libro e de fomento da lectura, que dita Consellería entende que é axeitado incardinar no próximo Ano Santo Xubilar 2010, co obxecto de ensamblar ambas realidades.
